Julevsámegiella/Lulesamiska

Le gus dujna tjanos muhtem rijkalasj unneplåhkuj de dujna l riektá adnet ietjat gielav aktavuodan fábmudagáj. Oattjo diedojt dánna makkir gielalasj riektá dujna li ja majt máhtá rávkkat duv kommuvnas ja ietjá fábmudagájs.

Ådåjakmáno 1.b. 2010 ásaduváj ådå láhka rijkalasj unneplågoj ja unneplågogielaj birra. Rijkalasj unneplåhkon nammaduvvi juvdára, roma, sáme, svierigasuobmelattja ja duornosliegega. Rijkalasj unneplågogiela li jiddisch, románagiella, sámegiella, suomagiella ja meängiella.

Gájkka rijkalasj unneplågogiela galggi suoddjiduvvat ja åvddånit

Láhka diedet rijkalasj unneplågogiela galggi suoddjiduvvat ja åvddånit. Gejna l tjanos rijkalasj unneplåhkuj galggá riektá oahppat, åvdedit ja adnet ietjas unneplågogielav. Fábmudagá galggi gulldalit rijkalasj unneplågojt ja vieledit sijá dárbojt.

Fábmudagájn la välggogisvuohta dunji diedojt vaddet duv riektáj birra, juska vil makkir rijkalasj unneplågogielav ságasta ja gånnå åro Svierigin.

Sierralágásj nanos riektá suomagiellaj, meängiellaj ja sámegiellaj

Sierralágásj nanos riektá li sujna gut ságas suomagielav, meängielav jali sámegielav ja årru kommuvnan tjuottjusdusguovlon. Biele vuolemusán vuojná jus duv kommuvnna gávnnu tjuottjudusguovlon.

Dujna gut åro kommuvnan tjuottjudusguovlon la riektá aktavuodav válldet fábmudagáj ietjat gielajn. Dujna l máhttelisvuohta vásstádusáv oadtjot njálmálattjat ja tjálalattjat sämmi giellaj.

Dån máhtá ádnot mánná- ja vuorrasijhuvsov ållåsit jali muhtem mudduj suomagiellaj, meängiellaj jali sámegiellaj.

Dujna l riektá adnet unneplågogielav aktavuodajn duobbmoståvlåjn jus åro Girona, Jielleváre, Árjepluove, Jåhkåmåhke, Haparánda, Bájila jali Övertorneå kommuvnajn.

Dån gut åro kommuvnan mij ij sebra tjuottjudusguovlluj la máhttelisvuohta aktavuodav válldet fábmudagáj ja oadtjot vuorrasijhuvsov suomagiellaj, meängiellaj jali sámegiellaj, jus gávnnuji bargge giellamáhttudagáj. Fábmudagá bierriji ásadit vaj gávnnuji bargge giellamáhttudagáj gå l dárbbo.

Juska gånnå åro de agev máhtá tjállet suomagiellaj, meängiellaj ja sámegiellaj Rijkabiejve oahttsáj, Justitiekanslerij, Oadjodåjmadahkaj, Värrofábmudahkaj ja Nuppástimoahttsáj.

Máhtá aktavuodav válldet

Jus aná duv kommuvnna jali ietjá fábmudagá ij dievde lágav de máhtá aktavuodav válldet Lenastivrajn Stockholma lenan jali Sámedikkijn ma galggi gáhttit láhka ålliduvvá. Sámedigge åvdåsvásstádusáv adná sámegielas ja Lenastivrra Stockholman åvdåsvásstádusáv adná ietjá gielajs.

Åssudahka unneplåhkoássjijda Lenastivran Stockholma lenan
Telefon: 08-785 40 00

Sámedigge
Telefon: 0980-780 30

Patiänntan galga oadtjot buorre sujtov buorre kvalitehtajn ja sujttára galggi duv buoragit duosstot. Dån galga oadtjot tjielgga diededimev ietjat varresvuoda ja sujto birra. Dån aj galga diedov oadtjot dån máhtá válljit dav sujtov mav dárbaha. Gatjáda jus la juoga majt ussjola ietjat rievtesvuodaj hárráj ja giehtadallama birra mav oattjo. Dála vuojná ma li buore diehtet gå sujtov guossida.

Dålkkå

Jus dålkåv dárbaha galga barggijda giehttot buorre mutto guossidime åvddåla. Giehto aj makkár gielav sidá. Máhtá aj tjállemdålkåv ja siejvvemdålkåv oadtjot jus dárbaha.

Duodastus

Válde dåhkkidum gåvvåduodastusáv guossimbále. Jus la asyjllaåhttse de válde ietjat LMA-kårtåv maŋŋáj. Jus soames lahkaulmusj jali tjuovvo dárbaj duodastit gut dån la, de galggi sij aj gåvvåduodastusáv maŋŋáj válldet.

Mujttádibme

Dån máhtá mujttádimev guossidime birra oadtjot sms:a baktu mobijllaj. Guode ietjat mobijllanummarav gå sujtujn ságasta.  

Sisiboahtem

Dån máhtá ietjat diededit ja guossidimev mákset mobijlajn. Aj mávsodis guossidimev máhtá diededit. Tjuovo dav sválldasav sms:an mav oattjo guossidime åvddåla. Jus i sms:av oattjo máhtá diededit njuolgga webbaj: incheck.norrbotten.se

Skihpamanno

Dån máhtá doarjjagav oadtjot manojda gå bussajn, tågajn jali ietjat bijlajn maná ietjat álmmuktjáledumadressa ja skihpadåbe jali varresvuohtaguovdátja gaskan ietjat kommuvnan. Jus dujna li oare dálkudime hárráj jali jus e åvvå almulasj mannamvuoge gávnnu máhtá táksijn mannat. Manov viertti diŋŋgot maŋemusát guokta biejve guossidime åvddåla gå skuolka diŋŋgomguovdátjij nummar 020-96 00 96.

Sjávodisvuodavälggo

Gájkajn varresuohta- ja skihpasujton la sjávodisvuodavälggo. Mij ep oattjo diededimijt duv birra vaddet iehtjádijda gå sidjij gudi duv sujttiji.

Diehtotjoaggem

Mij tjoaggep diedojt duv birra ietjat journállaj. Älla gå da bargge gudi duv sujttuj oassálassti jali ietjá oares dárbahi diedojt bargosa diehti, gudi adni rievtesvudav journálav låhkåt. Diedo duv birra aj soajtti gávnnut sajijn majt dárbahi sujtov tjuottjodittjat.

Åtsosválldem

Ienemus åhtsusijt mejt sujtto válldá luossi gå dajt li gehtjadam. Åvdemus oarre gå muhtem åhtsusijt vuorkkiji la danen gå duohta sujtov ja giehtadallamav galga adnet. Dån oattjo diedojt gåk åtsos aneduvvá jus vuorkkiji. Dån iesj mierreda jus åhtsusijt oadtju vuorkkit.

Kvalitäjttaregisstar

Dån galga diedov oadtjot jus diedo duv birra rájaduvvi rijkasasj kvalitäjttaregisstarij. Galga aj oadtjot diedov regisstara birra. Dån oattjo vuornnot diedojt dåhku rájaduvvamis ja dujna l rievtesvuohta diedojt duv birra regisstaris gádodahttet, jus diedo li åvddåla rájadum.

Vuojno

Dån oattjo vuojnojt buktet jali luodjot jus la juoga sujton årrum majna illa dudálasj. Dav máhtá dahkat goappátjagá patiänntan jali lahkaulmutjin. Duv vuojno máhtti sujtov buoredit ja dahkat dav jaskugabbon.

1177 Sujttovuosádalle – jaskugit duv varresvuoda ja sujto birra

Webbasajen 1177.se lågå ienebuv varresvuoda ja skihpudagáj birra ja gånnå sujtov gávna. Dån aj buvtá sisi loggit ja aktavuodav duv sujttoduostudagájn válldet, reseptajt ådåstuhttet, duv journálav låhkåt ja ietjá sujttomåhkijt dahkat. Danna aj gávna ienebuv låhkåt ietjat rievtesvuodaj birra ja gåk vuojnojt vattá sujto hárráj.

Ájnas diedo aj li jårggålum ietjá gielajda gå dárogiellaj.

Skuolka 1177 skihparádevaddemij diehti jánndurav birra. Hähkka, häggabalo bále agev galga skuolkkat 112.

Dánna Jåhkåmåhke varresvuohtaguovdátjin gávnnu Svieriga vuostasj diehtoguovdásj sámij varresvuoda hárráj.

Mij sihtap huvsov buorebun dahkat sámijda Norrbottenin. Diehtoguovdásj åhpat, diedojt juohká ja åvdet ådå barggovuogijt. Dánna ávkkip Region Norrbottena barggij máhtojt sámij varresvuoda birra.

Ságasta resepsjåvnåjn jus viehkev julevsábmáj dárbaha.

Telefon: 0970-190 00

Dási lip sválldasijt tjoahkkim majt dån gut sámegielav ságasta máhtá ávkkit.